Oarsoaldeko Hitza

Legez kanporatzeen kontrako mobilizazioak egin dituzte eskualdean

oarsoaldea EAE-ANVren, EHAKren eta Amnistiaren Aldeko Batzordeen nahiz Askatasunaren legez kanporatzeen kontrako mobilizazioak izan ziren atzo goizean Pasai Donibanen eta Lezon. Pasai Donibaneko manifestazioan hamarnaka herritar elkartu ziren, eta legez kanporatzeen kontrako mezuak zabaldu zituzten herrian barrena. Lezon, berriz, elkarretaratzea egin zuten udaletxearen parean, eskuineko irudian ikus daitekeen bezala: Salbuespen egoerarari stop leloa zuten kartelak eskuan izan zituzten elkarretaratzean bildutakoek. Oiartzunen (ezkerriko irudian, udaletxeko itxialdia), herenegun ilunabarrean egin zuten legez kanporatzeen aurkako manifestazioa. Hiru herrietako mobilizazio horiei guztiei, herenegun iluntzetik atzora arte hiru udalerrietako udaletxeetan egin ziren itxialdiak gehitu behar zaizkie.