Oarsoaldeko Hitza

“Jarraitu mesedez” laburmetraia

Ttur-ttur

Laburmetrai hau, Oiartzungo Ttur-ttur euskaldunon bilguneak ekoiztu du Behatokiarentzat. "Izan ere, euskaldun guztion arazoa da geure hizkuntza eskubidea urratua egotea", azaldu dute. Horrexegatik Behatokiak "euskararen telefonoa"ren bidez urraketa guztiak salatzeko zerbitzua eskaintzen du. "Euskaldun guztion ardura da hizkuntza eskubideak bete arte, urraketa guztiak (egunerokotasunekoak eta puntualak) salatzea", gaineratu dute.
"Euskararen telefonoa" egun dugun tresnarik hoberena izanik, honen ezagutza zabaltzea da laburmetrai honen helburua eta bide batez, ikusle guztiak animatu, eguneroko urraketak salatzeaz gain, laburmetrai hau ahalik eta gehien zabaltzea, bai lokal, taberna, lagun, foro... Helburua, behatokiaren euskararen telefonoa zerbitzuaren berri ematea baita.

GAIA: euskara