Oarsoaldeko Hitza

Tomas Garbizu Musika Eskolan entseatzen duen Sutargi Abesbatzan parte hartu nahi duenak orain du izena emateko aukera; izan ere, musika eskolatik adierazi dute entseguak astean behin egiten direla, ostegunetan, 20:00etan, hain zuzen ere.
«Kantatzea gustatzen zaion edonor gonbidatzen dugu eta inolako konplexurik gabe parte hartzera etor dadin dei egiten diogu», adierazi dute musika eskolako arduradunek.
Hein berean, gogorarazi dute Sutargi Abesbatza, koro amateurra dela eta duen helburu bakarra «kantuan ondon pasatzea» dela.
«Musika eskolako ikasleen guraso eta eskualdeko beste senbait kantu zaleren artean osatua dago, elkarrekin eta lagunartean aisialdi atsegina kantuan gozatzeko», zehaztu dute antolatzaileek.
Ez dago solfeoa jakin beharrik
Entseguen ordutegia eta eguna adierazteaz gain, Tomas Garbizu Musika Eskolako arduradunek oharrarazi dute, abesbatzean parte hartzeko ez dagoela zertan solfeoa jakin. Oharrarekin batera, berriz ere herritarrak entseguetara joan daitezen animatu ditu: «Abesbatzako partaide izaten hasteko une egokia dela iruditzen zaigu».