Edukira joan

Oarsoaldeko Hitza

Lezo
2008ko azaroak 23, Igandea

2008-10-02 | 10:11:12

Udala

Trafiko araudia behin betiko onartu du udalbatzarrak, eztabaida artean

Hainbat zerga %4,9 igotzea onartu zuten, EAJren kontrako botoarekin, eta PSE-EEren abstentzioarekin

Trafiko araudia behin betiko onartu du udalbatzarrak, baina EAJ eta PSE-EEren kontrako botoarekin. Atzo egindako udalbatzan eztabaida handia sortu zuen gaiak. Araudiari EAJk egindako alegazioak ez zirela «modu egokian» erantzun adierazi zuen Kepa Garbizuk alderdiaren izenean: «Udaltzainak eman zizkidan erantzunak eta Ogasun Batzordean eztabaidatu zen araudia. Udaltzaina ez da erantzun behar didan teknikoa. Horrez gain, araudiak ziurtasun juridiko bat behar du aurrera egiteko , bestela ez du ezertarako balio».
Jon Legorburu Obra eta Kultura zinegotziak, ordea, azaldu zuen herriak trafiko ordenantza bat behar duela, bestela udaltzainek ezin dutela inolako neurririk hartu trafiko arazoren bat denean: «Aurretik Ertzaintzaren esku zegoen trafikoa, baina esan ziguten Udalak bat egin behar duela berak kudeatzeko. Beraz, Lezok ordenantza bat behar du. Araudi honek hutsunerik izan dezake, baina oposizioa ere gonbidatzen dut ordenantza egiteko mahaian eser dadin. Guretzako garrantzitsuena lanean hastea da, eta hutsuneak baditu denon artean hobetu dezakegu».
Horrez gain, Legorburuk adierazi zuen araudia Ogasun Batzordean aurkeztu izana, isunak eta diru kontuak agertzen zirelako egin zutela.
Zenbait zergetan aldaketak
Silvia Folgueira Ogasun zinegotziak, berriz, udal zerga batzuetan aldaketak egitea proposatu zuen. Hala nola, trakzio mekanikoko ibilgailuen zergan abuztuko %4,9ko KPIa igotzea: «Dena den, zilindrada gutxiko motorrei eta traktoreei zerga jaitsi egin diegu. Horrela gutxiago kutsatzen duen ibilgailuak hartzera animatzen ditugu herritarrak eta baserritarrei beren lana erraztu».
Alderdi jeltzalearen izenean Garbizuk ibilgailuen zergaren igoeraren kontra egin zuen: «Lezoko traktoreek inguruko herriek baino garestiago izan dute zerga, eta orain KPIa berdin igoko behar zaie. Ez da bidezkoa.
Zergen gaiarekin jarraituz, kirol arloan egindako zergen azterketetan zenbait akats zeudela zehaztu zuen Garbizuk.
Hala eta guztiz ere, EAJren ezezko botoarekin eta PSE-EEren abstentzioarekin onartu zuten zergen aldaketa.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.