Oarsoaldeko Hitza

2009-07-02 | 11:52:32

Palavecino eta Sagarzazu ondo, baina dominarik gabe Europako Txapelketan

Azken unean galdu zituzten borrokaldiak

Aurreko asteburuan Allerru Judo Taldeko eta Espainiako selekzioko Garikoitz Sagarzazu eta Maider Palavecino judokak Esloveniako Koper hirian izan ziren Europako Txapelketa lehiatzen.

Ez du erantzunik

2009-07-01 | 11:38:01

Lopeneko taberna batean lapurreta egin dute ezezagunek

kainaren 30ean sartu ziren tabernara bertako lehioa puskatu ondoren

Udaltzainek jakitera eman dute Lopene auzoko taberna batean lapurreta egin dutela. Ekainaren 30ean izan zen gertakaria, hain zuzen ere.

Ez du erantzunik

2009-06-30 | 11:47:59

Ibon Zugasti Espainiako txapeldunordea da Elite Mailan

Santander eta Cabarceno arteko etapan bigarren iritsi zen helmugara

Ibon Zugasti lezoarra Elite Mailan Espainiako txapeldunordea da. Pasa den ostiralean Santander eta Cabarceno artean egindako Espainiako Txapelketako lasterketan, bigarren postuan iritsi zen helmugara. 146 kilometroko ibilbidea egin zuten parte-hartzaileek eta Zugastik 3:42:06eko denbora behar izan zuen lasterketa burutzeko.

Ez du erantzunik

2009-06-29 | 12:15:58

Musika eskolan izena emateko aukera dago

Uztailaren 3ra arte izango dute interesatuek datorren ikasturteko ikastaldietan izena emateko aukera

Tomas Garbizu Musika Eskolak aurtengo ikasturtea bukatu duen arren, datorren ikasturteari begira jarri da jada. Joan den astean hasi zen askotariko ikastaroetan izena emateko epea eta uztailaren 3an bukatuko da.

Ez du erantzunik

2009-06-24 | 13:00:37

Gobernu Taldeak dio «EAJk gezurra esan» duela eta badakiela

Etxebizitzen plangintzan egindako aldaketak «berme juridiko guztiekin» egin direla azaldu dute

Lezoko Gobernu Taldeak adierazi du EAJk «gezurra» esan duela 1 Sektoreko (Aralar kalea eta Jaizkibel hiribidearen arteko orubea) etxebizitzen plangintzan egindako aldaketen inguruan egindako salaketan: «Herritarrak eta sustatzaileak lasaitu nahi ditugu. EAJk dio obrak geldi daitezkeela, baina ez dira geldituko, egindako aldaketa guztiak berme juridiko guztiarekin egin direlako».

Ez du erantzunik

2009-06-20 | 16:41:55

Salvako zuzendaritzak aurkeztutako EREa onartu du Eusko Jaurlaritzak

ELAk Eusko Jaurlaritzaren jarrera kritikatu du

Salva Industrial enpresako zuzendaritak aurkeztutako EREa onartu du Eusko Jaurlaritzak. Guztira, enpresako 111 langileri eragingo dio lan erregulazio espedienteak -guztira, 140 langile ditu Salvak-. Horien lan jarduna %25 murriztea onartu du Jaurlaritzak, oraingoz abenduaren 23a bitartean. ELAk Eusko Jaurlaritzaren jarrera kritikatu du: "Aurreko legegintzaldiko jarrera bera izaten ari dira; aldeen arteko akordiorik gabe onartzen dituzte EREak". Sindikatuak gaineratu duenez, "Lan Ikuskaritzak berak kontrako txostena egin zuen, baina hala ere onartu egin dute".

Ez du erantzunik

2009-06-18 | 10:44:53

Haritz Salaberria: «Herri filosofia edo herri nortasuna lantzen aritu gara bi urte hauetan»

Lezoko alkateak legealdiko errepasoa egin dio OARSOALDEKO HITZAri

Udaletako legealdien erdia bete denean, eskualdeko alkateekin egindako elkarrizketekin bukatuko du OARSOALDEKO HITZAk. Hala, biharko papereko edizioan, Haritz Salaberria Lezoko alkateari egindako elkarrizketa argitaratuko da. Maider Ziganda Pasaiako alkateari, Juan Carlos Merino Errenteriako alkateari eta Aitor Etxeberria Oiartzungo alkateari ere egin dizkio elkarrizketak OARSOALDEKO HITZAk. Hona hemen Lezoko alkateari egindako elkarrizketaren pasarte bat, legealdiko lehen bi urteen balorazioa egiten duena hain zuzen.

Galdera:Legegintzaldi erdia egin duzue. Zein balorazio egiten duzu?

Erantzuna: Bi urte hauen balorazioa eta datozen bi urtetarako helburu nagusiak ez ditugu Udal Gobernuan gaudenok bakarrik egingo. Modu zabalago batean egin nahi dugu. Baina bi urte hauetan erritmo gogorrean aritu gara lanean eta iruditzen zaigu herria ez dela hortaz ohartzen, agian ez baitira emaitzak ikusten. Hala ere, oinarri sendoak jarri ditugu eta horien gainean egin dugu lan. Emaitzak ikus daitezke jada. Esaterako, ikustea besterik ez dago zenbat bizilagunekin bildu garen hainbat gairen gainean hitz egiteko. Hirigintza Planari erantzun zaio, Algeposari erantzun zaio...

Ez du erantzunik

2009-06-17 | 11:45:54

Judo San Fermin lehian, zazpi urre, bi zilar eta brontzezko bat

Allerru Judo Taldeko judokek txapelketa bikaina egin zuten Iruñean egindako borrokaldietan

Allerru Judo Taldekokideek joan den asteburuan Judo San Fermin Txapelketa lehiatu zuten eta etxera urrezko zazpi domina, zilarrezko bi eta brontzezko bat ekarri zituzten. Iruñean lehiatutako txapelketan 250 judoka aritu ziren: Valentziakoak, Kantabriakoak, Aragoikoak, Errioxakoak, Gaztela Mantxakoak, Arabakoak , Nafarroakoak eta Gipuzkoakoak, hain zuzen ere.

Ez du erantzunik